Acta Congregationum 305

ad nuntiandum Evangelium instrumento: « Panis Verbi Dei quam optime

mihi est frangendus - uti anno 1931 scribebat -, quod si non facerem,

sive coram Deo fallam sive coram hominibus ». Indefessa sedulitate sa-

cramento Reconciliationis ministrando vacavit et verus praesentiae realis

Iesu in Eucharistia fuit praeco ac pius Beatae Mariae Virginis devotus.

Laborem pastoralem pro vocationibus fovendis studiose curavit et multi

ab eo presbyteri instituti sunt.

Qui in angustiis rei familiaris vixerat, ipse pauperibus infirmisque se

admodum sensit esse propinquum, in quibus imaginem Christi patientis

conspicere valuit. Domum suam in usitatis vitae pastoralis actis semper

omnibus aperuit, egenis scilicet divitibusque doctisque sicut et rudibus, qui

in eo amicum, magistrum et patrem una voce recognoverunt.

Servus Dei die 20 mensis Augusti anno 1941 pie in Domino quievit,

cuius sollemnes exsequiae novum famae eius sanctitatis, qua apud populum

fruebatur, praebuerunt testimonium.

Hanc ob famam Causa Beatificationis et Canonizationis apud Curiam

Archiepiscopalem Montis Regalis inita est per celebrationem Inquisitionis

dioecesanae ab anno 1989 ad annum 1993, cuius auctoritas et vis iuridica

ab hac Congregatione de Causis Sanctorum die 17 mensis Novembris anno

1995 probatae sunt. Positione confecta, die 13 mensis Martii anno 2013

et die 25 mensis Februarii anno 2014 in Congressu Peculiari Consultorum

Theologorum prospero cum exitu disceptatum est, iuxta consuetudinem,

an Servus Dei more heroum virtutes christianas exercuisset. Patres Car-

dinales et Episcopi in Sessione Ordinaria diei 3 mensis Februarii anno

2015, cui egomet ipse Angelus Cardinalis Amato praefui, professi sunt

Servum Dei virtutes theologales, cardinales iisque adnexas in modum

heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Ioan-

nis Bacile, Archipresbyteri Decani de 'Bisacquino' in casu et ad effectum

de quo agitur.