Acta Francisci Pp. 211

Clara suas consorores adhortata est ad loquendum de Sacratissimo Corde

Iesu non solum verbis, sed omni vitae modo, adque eius misericordiam et

bonitatem imitandam. Venerabilis Serva Dei cum Sacratissimi Cordis cultu

suam praedilectam devotionem erga Sanctissimum Sacramentum coniunge-

bat et coram illo diu in oratione adstabat. Cum matrem prima in adules-

centia amisisset, toto animo Matri Dei se dedit. Eius devotio filialis fuit:

Mariam Sanctissimam considerabat veluti propriam Matrem et protectricem.

In difficultatibus oeconomicis semper viva spe Domino fisa est et saepe in-

tercessionem sancti Ioseph rogabat ut necessitatibus subveniret consororum.

Etiam fragilis valetudo Patris Fundatoris, sancti Iosephi Sebastiani Pelczar,

ei non paucas attulit sollicitudines, quas solummodo indefatigabili fiducia

in Dominum superavit, quam continua aluit oratione. Ingravescente aetate,

corde laborans, cum tumore et sanguinis globulo in pedibus qui ei difficul-

tates in ambulando causabat, dicebat: « Oportet ut non ipsos voluntati Dei

concredamus », laeta semper manens atque gaudium diffundens non solum

inter consorores, sed etiam inter milites quibus sorores in valetudinariis

ministrabant atque inter homines humilis condicionis qui cum admiratione

eius catecheses familiares auscultabant. Magna fides et fortis spes Venera-

bilis Servae Dei fructum constituebant et coronam heroicae caritatis. Sicut

Confundatrix Congregationis instrumentum tenerum exstitit et fidele in

accipiendis inspirationibus Fundatoris, sancti Iosephi Sebastiani Pelczar,

quae per eam in spiritualitatem et apostolatum nascentis Congregationis

sunt insertae. Nam ea Cracoviam petiverat ubi anno MDCCCXCIII moderatrix

nominata est religiosae communitatis, destinata ad iuvenes congregandas.

Sanctus Iosephus Sebastianus Pelczar, ut Congregationem Servularum Iesu

conferret ad constituendam Provinciam, decrevit maius aedificium emen-

dum atque definitas normas edendas quoad modum vivendi et missionem

adimplendi. Non solum religiosam vestem induendam statuit. Provinciae

nomen, missionis amplificationem etiam pro puellis operam quaerentibus

et aegrotis, sed etiam Regulas mutavit quae ab Archiepiscopo Cracoviensi

sunt approbatae. Re vera anno MDCCCXCIV novella nata est Congregatio,

appellata « Servulae Ss.mi Cordis Iesu », ab originali Servularum Iesu coe-

tu separata. Sub Servae Dei moderamine Institutum brevi crevit tempore

quoad numerum tam religiosarum quam communitatum. Fama e sanctitatis

circumdata et in generali luctu die VII mensis Februarii anno MCMXVI Cra-

coviae pie in Domino obdormivit.