12.

Feria VI. Ad nocturnas.

1. Tu trinitatis unitas,

Orbem potenter qui regis,
Attende laudum cantica,
Quae excubantes psallimus.

2. Nam lectulo consurgimus
Noctis quieto tempore,
Ut flagitemus vulnerum
A te medelam omnium.

3. Quo fraude quidquid daemonum
In noctibus deliquimus,
Abstergat Illud coelitus
Tuae potestas gloriae.

4. Nec corpus adsit sordidum,
Nec torpor Instet cordium,
Nec criminis contagio
Tepescat ardor spiritus.

5. Ob hoc, redemptor, quaesumus,
Reple tuo nos lumine,
Per quod dierum circulis
Nullis ruamus aetibus.

6. Praesta, pater piissime,
Patrique compar unice,
Cum spiritu paraclito
Nunc et per omne saeculum.