77.
Hymnus ad nocturnas.

1. Tibi, Christe, splendor patris,
Tita, virtus cordium,

In conspectu angelorum
votis, voce psallimus,

Alternantes concrepando
melos demus vocibus.

2. Conlaudemus venerantes
omnes coeli milites,

Sed praecipue primatem
coelestis exercitus,

Michaelem, In virtute
alligantem zabulum.

3. Quo custode procul pelle,
rex Christe piissime,

Omne nefas Inimici,
mundos corde et corpore

Paradiso redde tuo
nos sola clementia.

4. Gloriam patri melodis
personemus vocibus,

Gloriam Christo canamus,
gloriam paraclito,

Qui Deus trinus et unus
exstat ante saecula.