112.

Dominicis diebus In Quadragesima.

1. Ex more docti mystico
Servemus en jejunium
Deno dierum circulo
Ducto quater notissimo.

2. Lex et prophetae primitus
Hoc praetulerunt, postmodum
Christus sacravit, omnium
Rex atque factor temporum.

3. Utamur ergo parcius
Verbis cibis et potibus,
Somno, jocis et arctius
Perstemus In custodia.

4. Vitemus autem pessima,

Quae subruunt mentes vagas,
Nullumque demus callidi
Hostis locum tyrannidi.

5. Dicamus ergo cernui
Clamemus atque singuli,
Ploremus ante judicem,
Flectamus Iram vindicem.

6. Nostris malis offendimus
Tuam, Deus, clementiam,
Effunde nobis desuper,
Remissor, Indulgentiam.

7. Memento, quod sumus tui
Licet caduci plasmatis,
Ne des honorem nominis
Tui, precamur, alteri.

8. Laxa malum, quod fecimus,
Auge bonum, quod poscimus,
Placere quod tandem tibi
Possimus hic et perpetim.

9. Praesta, heata trinitas.