93.

Alius hymnus.

1. Urbs beata Hierusalem,

dicta pacis visio,
Quae construitur In coelis

vivis ex lapidibus
Et angelis coornata

ut sponsata comite.

2. Nova veniens e coelo

nuptiali talamo,
Praeparata ut sponsata

copuletur domino,
Portae et murique ejus

ex auro purissimo.

3. Portae nitent margaritis

Aditis patentibus,
Et virtute meritoram

illuc Introducitur
Omnis, qui per Christi nomen

hic In mundo premitur.

4. Tunsionibus, pressuris

expoliti lapides,
Suisque aptantur locis

per manum artificis,
Disponuntur per mansuris

sacris aedificiis.

5. Omnis Illa Deo sacra

et dilecta civitas
Plena modulis In laude,

et canore jubilo
Trinum Deum unicumque

cum favore praedicat.

6. Angularis fundamentum

Christus lapis missus est,

Qui compage parietis

in utroque nectitur,

Quem Sion sancta suscepit,

in quo credens permanet.

7. Fundatores templi hujus,
Christe, tua dextera

Protege, conserva clemens
et In bonis amplia,

Et praemiis sempiternis
tua dita dextera.

8. Hoc In templo, summe Deus,

exoratus adveni
Et clementi bonitate

precum vota suscipe,
Largam benedictionem

hic Infunde jugiter.

9. Hic promereantur omnes

petita adquirere
Et adepta possidere

cum sanctis perenniter,
Paradisum Introire,

translati In requiem.

10. Quaesumus, tuam petentes
aeternam clementiam,
Annua recursione

per longinqua tempora
Ut hunc diem celebremus
cum summa laetitia.

11. Gloria et honor Deo,
laus et benedictio,

Genitoque Nazareno,
simul et paraclito,

Qui supernum tenet regnum
permanet In saecula.