136.
De eadem.

1. Maria fusis crinibus

Procumbens Christi pedibus,
Dum rigat eum lacrymis,
Se lavit sorde criminis.

2. Hinc consecuta plurimum
Amoris erga dominum,
In coelorum palatio
Perenni gaudet praemio.

3. Rogamus ergo, domina,
Nostra deleto crimina
Tuisque sanctis precibus
Nos junge coeli civibus.

4. Patri, nato cum flamine
Sit laus aeterno tempore,
Cui est summa deitas
In unitate trinitas.