42.
Hymnus ad vesperas.

1. Vexilla regis prodeunt,
Fulget crucis mysterium,
Quo carne carnis conditor
Suspensus est patibulo.

2. Confixa clavis viscera
Tendens manus vestigia,
Redemptionis gratia
Hic Immolata hostia.

3. Quo vulneratus Insuper
Mucrone dirae lanceae,
Ut nos lavaret crimine,
Manavit unda, sanguine.

4. Impleta sunt, quae concinit
David fidelis carmine,
Dicens: In nationibus
Regnavit a ligno Deus.

5. Arbor decora et fulgida,
Ornata regis purpura,
Erecta digno stipite,
Tam sancta membra tangere.

6. Beata, cujus brachiis

Saecli pependit praemium,
Statera facta corporis,
Praedam quae tulit Tartari.

7. O crux, ave, spes unica,
Hoc passiones tempore,
Auge piis justitiam
Reisque dona veniam.

8. Te, summa Deus trinitas,
Collaudet omnis spiritus,
Quos per crucis mysterium
Salvas, rege per saecula.