132.

De Spiritu Sancto.

1. Veni creator spiritus,
Mentes tuorum visita,
Imple superna gratia,
Quae tu creasti pectora.

2. Qui paraclitus diceris,
Donum Dei altissimi,
Fons vivus, Ignis, charitas
Et spiritalis unctio.

3. Tu septiformis monere,
Dextrae Dei tu digitos,
Tu rite promisso patris
Sermone ditas guttura.

4. Accende lumen sensibus,
Infunde amorem cordibus,
Infirma nostri corporis
Virtute firma perpeti.

5. Hostem repelle longius
Pacemque redde protinus,
Ductore sic te praevio
Vitemus omne noxium.

6. Per te sciamus, da, patrem,
Noscamus atque filium,
Te utrorumque spiritum
Credamus omni tempore.