1.

feria II ad Laudes.

1, [Splendor paternae gloriae
De luce lucem proferens,
Lux lucis et fons luminis,
Dies diem illuminans.]

2. Venisque sol, illabere,
Micans nitore perpeti,
Jubarque sancti spiritus
Infunde nostris sensibus.

3. Votis vocemus te patrem,
Patrem perennis gloriae,
Patrem potentis gratiae,
Culpam religet lubricam.

4. Informet actus strenuos,
Dentem retundat Invidi,
Casus fecundet asperos
Donet gerendi gratiam.

5. Mentem gubernat et regat
Casto, fideli corpore,
Fides calore ferveat,
Fraudis venena nesciat.

6. Christusque nobis sit cibus,
Potusque noster sit fides,
Laeti bibamus sobriam
Ebrietatem spiritus.

7. Laetus dies hinc transeat,
Pudor sit ut diluculum,
Fides velut meridies,
Crepusculum mens nesciat.

8. Aurora cursus provehit,
Aurora totus prodeat,
In patre totus filius
Et totus In verbo pater.