80.
De omnibus Sanctis.

1. Festiva saecli colitur
Dies sanctorum omnium,
Qui regnant In coelestibus,
Jesu, tecum feliciter.

2. Hos Invocamus cernui,
Teque, redemptor omnium,
Illis tibique supplices
Preces gementes fundimus.

3. Jesu, salvator saeculi,
Redemptis ope subveni,
Et pia dei genitrix,
Salutem posce miseris.

4. Coetus omnis angelicus,
Patriarcharum cunei,
Et prophetarum merita
Nobis precentur veniam.

5. Baptista Christi praevius
Et claviger aethereus
Cum ceteris apostolis
Nos solvant nexu criminis.

6. Chorus sacratus martyrum,
Confessio sacerdotum
Et virginalis castitas
Nos a peccatis abluant.

7. Monachorum suffragia
Omnesque cives coelici
Annuant votis supplicum
Et vitae poscant praemium.

8. Laus, honor, virtus, gloria
Deo patri et filio
Una cum sancto spiritu
In sempiterna saecula.