96.
In natali plurimorum martyrum.

1. Rex gloriose praesulum,
Corona confitentium,
Qui respuentes terrena
Perducis ad coelestia.

2. Aurem benignam protinus
Appone nostris vocibus,
Trophaea sacra pangimus,
Ignosce quod deliquimus.

3. Tu vincis In martyribus
Parcendo confessoribus,
Tu vince nostra crimina
Donando Indulgentiam.

4. Praesta, pater piissime
Patrique compar unice,
Cum spiritu paraclito
Nunc et per omne saeculum.