47.
Hymnus de ascensione Domini.

1. Aeterne rex altissime,
Redemptor et fidelium,
Quo mors soluta deperit,
Datur triumpbus gratiae.

2. Scandens tribunal dexterae
Patris, potestas omnium
Collata est Jesu coelitus,
Quae non erat humanitus.

3. Ut trina rerum machina,
Coelestium, terrestrium,
Et Infernorum condita
Flectet genu jam subdita.

4. Tremunt videntes angeli
Versam vicem mortalium,
Culpat caro, purgat caro,
Regnat Deus Dei caro.

5. Tu, Christe, nostrum gaudium,
Manens Olympo praemium,
Mundi regis qui fabricam,
Mundana vincens gaudia.

6. Hinc te precantes qua?sumus,
Ignosce culpis omnibus
Et corda sursum subleva
Ad te superna gratia.

7. Ut cum rubente coeperis
Clarere nube judicis,
Poenas repellas debitas,
Reddas coronas perditas.

8. Gloria tibi, Domine,
Qui scandis super sidera,
Cum patre et almo spiritu
In sempiterna saecula.