38.
Ad Sextam.

1. Meridie orandum est,

Christusque deprecandus est,
Ut jubeat nos edere
De suo sancto corpore.

2. Ut Ille sit laudabilis
In universis populis,
Ipse coelorum dominus,
Qui sedet In altissimis.

3. Detque nobis auxilium
Per angelos mirabiles,
Qui semper nos custodiant
In omni vita saeculi.

4. Gloria tibi, trinitas,
Aequalis una deitas,
Et ante omne saeculum
Et nunc et In perpetuum.