78.
Hymnus de Sancto Gferaldo.

1. Laudes solvamus debitas
Tibi, unita trinitas,
Alternis rite vocibus,
Claris quoque concentibus.

2. Ut In Geraldi precibus
Noster exsultet spiritus,
Totumque corpus gaudeat,
Opem salutis sentiat.

3. Qui virgo ab Infantia,
Christi repletus gratia,
Dum vixit In hoc corpore,
Miro refulsit opere.

4. Nudis membrorum tegmina
Porrexit, siccis pocula,
Lacrimas tersit flentibus,
Angorem aufert mentibus.

5. Unde post carnis obitum,
Ut praesens sit Indicium,
Majora dat miracula
Domini per suffragia.

6. Frontibus noctem pepulit,
Lucem diei retulit,
Vires nervorum aridis,
Dedit vigorem languidis.

7. Morborum mundat genera,
Cordium. sanat vulnera,
Corpore fugat daemones,
Bacchantes purgat homines.

8. Surdorum aures arrigit,
Mutorum linguas aperit,
Quo sensus per officium
Plures conlaudant dominum.

9. Ergo, confessor mclite,
Crimina nostra delue,
Sit nobis per te venia,
Feras tranquilla tempora.

10. Praesta, pater piissime,
Patrique compar unice,
Cum spiritu paraclito
Regnans per omne saeculum.