29.

Item alius de S. Mariae.

1. Ave maris stella,
Dei mater alma
Atque semper virgo,
Felix coeli porta.

2. Sumens Illud Ave
Gabrielis ore
Funda nos In pace
Mutans Evae nomen.

3. Solve vincla reis,
Profer lumen caecis,
Mala nostra pelle,
Bona cuncta posce.

4. Monstra te esse matrem,
Sumat per te precem,
Qui pro nobis natus
Tulit esse tuus.

5. Virgo singularis,
Inter omnes mitis,
Nos culpis solutos
Mites fac et castos.

6. Vitam praesta puram,
Iter para tutum.
Ut videntes Jesum
Semper conlaetemur.

7. Sit laus Deo patri,
Summum Christo decus,
Spiritui sancto,
Trinus honor unus.