43.

Hymnus de beata Maria.

1. Quidquid creatum permanet,

Laudes Mariae personet,

Quae theotocon hagia

Mundum vestivit In gloria.

2. Malum, quod Eva et coluber

Pomo patrarunt pariter,

Hoc sola totum pepulit,

Dum virgo Christum peperit.

3. Orta Juda prosapia

Davidis haec juvencula,

Quae sine viri semine

virgo praegnatur homine.

4. Salutatur ab angelo,

Fecundatur a domino

Fit namque viri nescia

Plena coelesti gratia.

5. Portat portantem omnia,

Facta polorum janua

Et paradisi semita,

Porta et fenestra coelica.

6. Columba, sponsa decora,

Mater, soror et domina,

Perfecta Christi gerula,

Fons signatus In gloria.

7. Rosis ornata et iilio,

Nardo manans et balsamo,

Regina et decus virginum,

Christi Jesu sacrarium.

8. Ortus et salutatio,

Hypapante, assumptio

Tantae reginae celebris

Festis corruscant annuis.

9. Quem mundus non Intercludit,

Haec ventris alvo contegit,

Est qui creator omnium,

Per hanc sumpsit corpusculum.

10. Navis, sedes tutissima,

Mortis et vitae medica,

Coeli suscepit principem,

Quo coelo reddit hominem.

11. Quia de cunctis credimus

Quod te exaudit filius,

A cunctis mundum cladibus,

Virgo, guberna coelitus.

12. Quod mente, dictis, actibus

Nato tuo fraudavimus,

Tu de coelesti thalamo

Materno solve studio.

13. Nostris oramus vocibus,

Aurem flecte divinitus,

Quo nos ad tuum filium

Ducas post vitae transitum.

14. Patri, nato, paraclito

Laus, honor sine termino,

Qui disparili nomine

Coaevo regnat numine.