44.

Hymnus de Pascha domini ad vesperas.

1. Ad coenam agni providi

Et stolis albis candidi,

Post transitum maris rubri

Christo canamus principi.

2. Cujus corpus sanctissimum

In ara crucis torridum,

Cruore ejus roseo

Gustando vivamus Deo.

3. Protecti paschae vespere

A devastante angelo,

Erepti de durissimo

Pharaonis Imperio.

4. JampaschanostramChristusest,

Qui Immolatus agnus est,

Sinceritatis azyma

Caro ejus oblata est.

5. O vere digna hostia,

Per quem fracta sunt tartara,

Redempta plebs captivata

Redit ad vitae praeinia.

6. Cum surgit Christus tumulo

Victor redit de barathro,

Tyrannum trudens vinculo

[Et reserans paradisum].

7. Quaesumus, auctor omnium,

In hoc paschali gaudio

Ab omni mortis Impetu

Tuum defende populum.

8. Gloria tibi, domine,

Qui surrexisti a mortuis,

Cum patre et sancto spiritu

In sempiterna saecula.