48.
Item alius hymnus.

1. Hymnum canamus gloriae,
Hymni novi nunc personent,
Christus novo nunc tramite
Ad patris ascendit thronum.

2. Transit triumpho gloriae
Poli potenter culmina,
Qui morte mortem absumpserat
Derisus a mortalibus.

3. Apostoli tunc mystico

In monte stantes chrismatis
Cum matre clara virgine
Jesu videbant gloriam.

4. Hoc prosecuti lumine
Laeto petentem sidera
Laetis per auras cordibus
Duxere regem saeculi.

5. Quos alloquentes angeli,
Quid astra stantes cernitis?
Salvator hic est, Inquiunt,
Jesus triumpho nobili.

6. A vobis ad coelestia

Qui regna nunc adsumptus est,
Venturus Inde saeculi
In fine judex omnium.

7. Quo nos precamur tempore,
Jesu redemptor unice,
Inter tuos In aethera
Servos benignus adgrega.

8. Da nobis, Illuc sedula
Devotione tendere,
Quo te sedere cum patre
In arce regni credimus.

9. Gloria tibi, Domine.