50. Item alius hymnus.

1. Jam Christus astra ascenderat,
Regressus unde venerat,
Promissa patris munera,
Sanctum daturus spiritum.

2. Solemnis urgebat dies,
Quo mystico septemplici
Orbis volutas septies
Signat beata tempora.

3. Cum hora cunctis tertia
Eepente mundus Intonat,
Orantibus apostolis
Deum venisse nuntiat.

4. De patris ergo lumine
Decorus Ignis almus est,
Quo fida Christi pectora
Calore verbi compleat.

5. Impleta gaudent viscera,
Afflata sancto spiritu,
Voces diversas Intonant,
Fantur Dei magnalia.

6. Ex omni gente cogniti
Graecis, latinis, barbaris,
Cunctisque admirantibus
Lingnis loquuntur omnibus.

7. Judaea tunc Incredula,
Vesana torvo spiritu,
Euctare musti crapula
Alumnos Christi concrepat.

8. Sed signis et virtutibus
Occurrit et docet Petrus,
Falsos probari perfidos
Joelis testimonio.

9. Hinc, Christe, nunc paraclitus
Per te pius nos visitet,
Novansque terrae faciem
Culpis solutos recreet.
Gloria tibi, Domine.