59.

Alius.

1. Apostolorum passio
Diem sacravit saeculi,
Petri triumphum nobilem,
Pauli coronam praeferens.

2. Conjunxit aequales viros
Cruor triumphalis necis,
Deum secutos praesulem
Christi coronavit fides.

3. Primus Petrus apostolus
Nec Paulus Impar gratia,
Electionis vas sacrae,
Petri adaequatur fides.

4. Verso crucis vestigio

Simon honorem dans Deo,
Suspensus ascendit, dati
Non Immemor oraculi.

5. Praecinctus, ut dictum est, senex,

Elevatus ab altero

Quo nollet ivit, sed volens

Mortem subegit asperam.
6. Hinc Roma celsum verticem

Devotionis extulit,

Fundata tali sanguine

Et vate tanto nobilis.
7. Tantae per orbis ambitum

Stipata tendunt agmina,

Trinis celebratur viis

Festum sanctorum martyrum.
8. Prodire quis mundum putet,

Concurrere plebem poli,

Electa gentium caput

Sedes magistri gentium.

9. Deo patri sit gloria.