64.

Alius hymnus de transfiguratione.

1. O nata lux ae lumine,
Jesu redemptor saeculi,
Dignare clemens supplicum
Laudes precesque sumere.

2. Qui carne quondam contegi
Dignatus es pro perditis,
Nos membra confer effici
Tui beati corporis.

3. Prae sole vultus flammeus,
Ut nix amictus candidas,
In monte dignis testibus
Tu paruisti conditor.

4. Vates alumnis abditos
Nobis vetustos conferens,
Utrisque te divinitus
Deum dedisti credere.

5. Te vox paterna coelitus
Suum vocavit filium,
Quem nos fideli pectore
Regem fatemur codicum.

6. Concede nobis, quaesumus,
Almis micare moribus,
Ut ad polorum gaudia
Bonis vehamur actibus.

7. Laudes tibi nos pangimus,
Aeterne regum rex Deus,
Qui trinus unus rector es
Per cuncta regnans saecula.