66.

De S. Benedicto hymnus.

1. Rex Christe, dignanter fave,
In laude patri psallere
Et debitas laudes dare
Nostrumque munus solvere.

2. Sint haec tibi praeconia,
Quae nostra tergant crimina,
Orante pro nobis patre,
Per quem rogamus te pie.

3. Nos esse jam, quales jubes,
Largire, tales fieri,
Coelestis ut vitae vias
Intremus haeredes poli.

4. Dilectus hic proles tua,
Sanctissimus, nostrum decus,
Quem Benedictum dicimus,
A quo juvari poscimus.

5. Adquirat hic nobis tuam,
Quam coelitus dat, gratiam
Et praestet In coelis eam.
Quam possidet jam gloriam.

6. Sit semper adjutor pius
Nec servulos spernat suos,
Cui sola post te spes Inest,
Hic et polo nos qui jubet.

7. Sit laus patri cum filio
Et cum pio paraclito,
Quem personant sursum poli
Per cuncta semper saecula.