95.
In natali Apostolorum.

1. Aeterna Christi munera
Et apostolorum victorias,
Laudes canentes debitas,
Laetis canamus mentibus.

2. Ecclesiarum principes,
Belli triumphales duces,
Coelestis aulae milites
Et vera mundi lumina.

3. Terrore victo saeculi
Poenisque spretis corporis
Mortis sacrae compendio
Vitam beatam possident.

4. Traduntur Igni martyres
Et bestiarum dentibus,
Armata saevit ungulis
Tortoris Insani manus.

5. Nudata pendent viscera,
Sanguis sacratus funditur,
Sed permanent Immobiles
Vitae perennis gratia.

6. Devota sanctorum fides,
Invicta spes credentium,
Perfecta Christi caritas
Mundi triumphat principem.

7. In his paterna gloria,
In his voluntas spiritus,
Exsultat In his filius,
Coelum repletur gaudio.

8. Te nunc, redemptor, quaesumus,
Ut apostolorum consortio
Jungas precantes servulos
In sempiterna saecula.