Acta Congregationum 303

ACTA CONGREGATIONUM

CONGREGATIO DE CAUSIS SANCTORUM

MONTIS REGALIS

Beatificationis et Canonizationis Servi Dei Ioannis Bacile Archipresbyteri Decani de

Bisacquino (1880-1941)

DECRETUM SUPER VIRTUTIBUS

« Zelus domus tuae comedit me » ( Ps 69, 10).

Singulari navitate Domini perquisivit gloriam a Psalmista Israelis enun-

tiatam et in corde Christi definitive factam carnem Servus Dei Ioannes

Bacile, qui vero omnem ad suipsius conversationem immutandam et cons-

cientias christifidelium in vitam vere eucharisticam renovandas profudit

sollicitudinem.

Servus Dei in vico vulgo dicto Bisacquino prope Panormum, intra

fines Archidioecesis Montis Regalis, die 12 mensis Augusti anno 1880

ortus est et ad regenerationis fontem postero die ductus. Apud larem

optime informatus est, quem vero modestissimae erat condicionis. Octo

annos natus patre praemature orbatus, mox propter angustiis rei fa-

miliaris laborem primum uti discipulus sutorius adiit, dein uti minis-

trator et cubicularius. Undecimum agens aetatis annum sacramentum

Confirmationis accepit.

Iam inde ab infantia magnum ostendit mandatorum religionis studium

et, paroecia assidue frequentata, vocationis ad sacerdotium iam percepit

signa. Proinde, ineunte aetate, Seminarium Montis Regalis ingressus est

et cursu institutionis completo, die 17 mensis Iunii anno 1905 presbyteratu

auctus.