304 Acta Apostolicae Sedis - Commentarium Officiale

Rector ecclesiae Deo in honorem Beatae Mariae Virginis a Monte Car-

melo dicatae nominatus, summa sollicitudine ac navitate ministerium exer-

cuit partisque civitatis illius vitam fervore ac profonditate mentis suscitavit.

Postea, ad gerendam ecclesiam matrem uti Vicarius Oeconomus nuncupatus

est et, anno 1916, Archipresbyter Decanus de Bisacquino factus, ubi, aposto-

latus multiplicato opere, actuositatem doctrinae apud ecclesias diversarum

urbis partium tradendae fovit, Coetus Actionis Catholicae sive virorum

sive mulierum atque iuvenum catholicorum, Circulum Mariae Santissimae

a Saltu fundavit, familias loci singulari studio curavit et iuvenibus huma-

na dignitate ac Christi mandatis provehendis incubuit. In disceptationem

semper promptus, optima cum omnibus iunxit commercia et magnopere

enixus est in familiarum discordiis componendis ac malis moribus, sicuti

turpiloquio blasphemiaque et alea, depugnandis. Dilectionem quasi fratris

multos erga pauperes vici ostendit atque infirmis miserisque benignius

subsidia quaevis suppeditavit.

Quae omnia ex intime eucharistica manabant anima magisterii schola

Sancti Pii Decimi Papae eximie informata, quod ipso eodem tempore uber-

tatem suam spiritualem reserabat. Summa Servi Dei erat voluntas familias

vici Bisacquino coetus eminenter fieri eucharisticos, quapropter ipse ac-

tuosae christifidelium participationi Missae diei dominicae interpellabat,

animos omnium ad celebrationem etiam cotidianam Missarum sollemnium,

ad visitandum Sanctissimum Sacramentum et ad devotam Quadraginta Ho-

rarum precationem suscitabat, necnon summopere exposcebat, ut magis

magisque numero christifideles tamquam « lucernae vivae » gliscerent et

iam inde a prima aetate parvuli coetui « Paedagogorum Eucharistiae », uti

dicebantur, interessent.

Dominus Ioannes Bacile praeterea vir fuit fidei admirandae, cuius

conversationis cardo, quem domi didicit, omnibus in capitibus vitae cal-

car et fulcimen ei exstitit. Voluntatem divinam servare et viam a Christo

Iesu designatam emetiri propositum fuit ab ipso inde a primis laboris

pueritiae et adulescentiae aetate usque ad ministerium sacerdotale fide-

liter persecutum, quod insuper insueto cordis ac mentis coluit ardore.

Sollicitudo eius pastorale Dei et populi caritati innitebatur et Christum

Bonum Pastorem iuge ipse habuit speculum. Servus Dei peculiariter sese in

ministerium Verbi exhibuit idoneum, cui adeo fidelis fuit, ut omni uteretur