98.

De uno martyre.

1. Martyr Dei, qui unicum

Patris sequendo filium

Victis triumphas hostibus,

Victor fruens coelestibus.

2. Tui precatus munere

Nostrum reatum delue,

Arcens mali contagia,

Vitae removens taedia.

3. Soluta sunt jam vincula

Tui sacrati corporis,

Nos solve vinclis saeculi

Amore filii Dei.

4. Praesta, pater piissime

Patrique compar unice,

Cum spiritu paraclito

Nunc et per omne saeculum.