Acta Congregationum 307

DUBLINENSIS

Beatificationis et Canonizationis Servae Dei Mariae Aikenhead Fundatricis Instituti Sororum a Caritate in Hibernia (1787-1858)

DECRETUM SUPER VIRTUTIBUS

« Dominus custodiet te ab omni malo; custodiet animam tuam Dominus »

( Ps 121, 7).

In Servae Dei Mariae Aikenhead vita clara via delineatur, quae filum

vectorem suarum opinionum, animi affectionum et optionum constituitur:

Iesus Christus solus Dominus est dignus serviri. Haec fides, nutrita pre-

ce, centrum cogitationum et consiliorum erat fonsque sollertiae auxilii et

missionarii operis.

Serva Dei in Hiberna civitate Corcagiensi ( Cork) die 19 mensis Ianuarii

anno 1787 nata est. Pater eius Scotiae medicus evangelicae confessionis

erat, mater autem Hiberna catholica. Baptizata in evangelica communione,

salutis ratione tradita est cuidam catholicae familiae quae rure vivebat,

extra Corcagiensem urbem. Quam ob rem, parva Maria pueritiam gessit et

adulescentiam in hac honesta et operosa familia, alto religioso spiritu emi-

nens; protinus enim se praebuit vitae pietatis et necessitatibus pauperum

peculiariter addictam. Interea pater mortuus est. Illo tempore Serva Dei

catholicae doctrinae plane adhesit, cum sacramenta Primae Communionis

et Confirmationis acciperet.

Primum ordinem Sororum Orsolinarum natalis urbis frequentavit apud

quas religiosas et morales virtutes ultra perscrutata est, quibus iam a pueritia

excellebat, ac iter vocationis accurate explicavit. Auxilio pauperum magis

magisque se dedit, magnanimitatem effundens in curam erga omnes inopes

parandam et Corcagii et Dublini. Archiepiscopus Dublinensis ei desiderium

aperuit ut vitam instituto dedito beneficiis operibus daret: Maria, ob quam

rem, praeparationis tempus apud aliquas Sorores in Britannia gessit; postea,

cum amica nomine Catharina Walsh, revenit in Hiberniam et Congregatio-

nem Sororum a Caritate constituit, quae communitas afflata est Instituti

in Gallia a S. Vincentio de' Paul conditi. Primum in Dublino nosocomium

erexit directum a Sororibus. Per officium Servae Dei et Sororum, industriae

beneficentiae optime auxerunt: praesertim novae communitates erectae sunt

Corcagii et Dublini et in civitatibus Galway, Waterford et Clonmel.