308 Acta Apostolicae Sedis - Commentarium Officiale

Sed praecipue in terribili eventu pestilentiae colerae, quae anno 1832

dirupit et per duos annos in universa Hibernia saevit, hae magnanimae

mulieres singularem demonstraverunt caritatem, ferentes subsidium om-

nibus civibus sine distinctione aetatis sive religionis sive socialis condi-

tionis. Insequentibus annis, earum suppetiae muliebri carceri beneficium

contulerunt et etiam aliquae Sorores profectae sunt in fines Australiae.

Ceterae fundationes in Lancashire et in Waterford adductae sunt. Invidiae

casus in communitate non defecerunt, praesertim causa defensionis na-

tivi charismatis, quae scissionem in recentem Congregationem provocavit.

Praeterea administratio Britanniae, illo tempore vigens etiam in Hibernia,

molestias catholicis institutibus non raro afferebat.

Nihilo minus Serva Dei animum et spem numquam perdidit. Assidua

exercitatio caritatis pro pauperrimis fratribus totam vitam eius designavit.

Soror Maria verbis et exemplo evangelium nuntiabat et amorem proximi

velut verum "scamnum certaminis" amoris Domini reputabat. Eius naturalis

voluntas a prudentia clementiaque librabatur, conspicua sive uso cotidiano

sive in scissionis Congregationis tempore. Epistulae Mariae fons maximi

momenti constituunt ad comprehendendum spiritualem formam Servae Dei,

mulieris plenae humanarum christianarumque virtutum quas illa assidue et

crescenti animo exercitavit.

Anno 1843 Serva Dei Antistita Generalis in perpetuum delecta est.

Eius salutis status floridus numquam fuerat; sed evidenter plures fun-

dationes et consequentia itinera corpus amplius consumpserunt. Saepe

lecto affixa erat propter fortem inflammationem spinae, sed etiam in his

condicionibus sua munera semper persolvebat: vel etiam in illis temporibus

plerasque litteras componebat. Serva Dei Dublini die 22 mensis Iulii anno

1858 quievit in Domino. Plerique gentes etiam ordinis Ecclesiae Reformatae

exsequias eius funeris prosecuti sunt.

Sanctitatis fama, apud Curiam Ecclesiasticam Dublinensem a die 16

mensis Novembris anno 1911 usque ad diem 13 mensis Februarii anno 1912

Processus Informativus celebratus est, qui die 21 mensis Aprilis anno 1931

per decretum de validitate approbatus ab hac Congregatione de Causis

Sanctorum. Exarata Positione et audito Coetu Consultorum Historicorum,

iuxta consuetam formam excussum est an Serva Dei virtutes in gradu he-

roico exercuisset. Die 20 mensis Februarii anno 2014 felici exitu Congressus

Consultorum Theologorum habitus est. Patres Cardinales et Episcopi in