Acta Congregationum 309

Sessione Ordinaria diei 17 mensis Martii anno 2015 congregati, me Angelo

Cardinale Amato moderante, edixerunt Servam Dei theologales, cardinales

iisque adnexas virtutes heroico in gradu excoluisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servae Dei Mariae

Aikenhead, Fundatricis Instituti Sororum a Caritate in Hibernia, in casu et

ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 18 mensis Martii a.D. 2015.

anGeluS Card. amato, S.d.B. Praefectus

L. G S.

G marCelluS BartoluCCi Archiep. tit. Mevaniensis, a Secretis