Acta Congregationum 311

suos propinquos: enim dominus Franciscus omnia bona incipienti operae

devovere maluit contra quorundam familiae opinionem. Caritate in Deum

antiquum sacellum iuxta Massam Lubrensem, quod Virginis Immaculatae

simulacrum servabat, restituit et ad similitudinem illius Lapurdensis Maria-

num sacrarium instituit, quod anno 1888 rite consecratum est. Caritas in

proximum ei persuasit ut domus pro pauperibus et pro iuvenum mulierum

institutione fundaret.

Servi Dei spiritualis delineatio feliciter innititur traditioni Italiae Meri-

dionalis, praecipue Neapolis, cuius bonae virtutes et naturales inclinationes

incitavit Dei gloriam nimiamque devotionem semper cavens, bene et pru-

denter intellegens signa temporis sui. Humanae vires, christianae virtutes

et sui offici sacerdotalis principia tota eius mortali in vita clare eminuerunt

et maxime refulsit cotidiana sedulitas pastorali in ministerio persolvendo

ac tuendo, Christi et Mariae cultu et pietate fulta. Humanitate, fortitudine

et prudentia sua tempora intellexit quae politicae et doctrinarum ratione

difficilia videbantur, sed et fecunda novarum occasionum propter novas

populi necessitates spirituales et sociales augescentes. Iis in condicionibus

popularis praedicatio eius promovebatur una cum singulari devotione Sacro

Cordi Iesu et ferventi apostolatu Mariano. Eius rationi vitae consentanea

fuit summa caritas, singularis humilitas, paupertas, animi coërcitio, auste-

ritas et denique integritas.

Die 20 mensis Ianuarii anno 1899, Servus Dei, mortali e vita pie disces-

sit, sanctitatis in odore, qui maxime redoluit eius in Instituto, quod postea

amplius confirmabatur secundum virtutes Fundatoris et anno 1931 Ordini

Fratrum Minorum aggregatum est, Pontificio decreto laudis die 4 mensis

Martii anno 1943 exornatum.

Famam sanctitatis, iter ad Servi Dei beatificationem instructum est,

quamvis aliquae morae ob bellicas et sociales res occurrentes fuerint, de-

nique Inquisitio dioecesana iuxta Curiam Metropolitanam Neapolitanam a

die 5 mensis Februarii ad diem 16 mensis Decembris anno 2002 celebrata

est, cuius iuridica validitas ab hac Congregatione de Causis Sanctorum per

decretum diei 23 mensis Ianuarii anno 2004 est approbata. Exarata Positio-

ne, die 1 mensis Februarii anno 2011 Historicorum Consultorum Consilium

habitum est. Deinde secundum consuetas normas diceptatum est an Servus

Dei virtutes heroicum in modum excoluisset. Positivo cum exitu, die 15

mensis Iunii anno 2013 Peculiaris Consultorum Theologorum Congressus