312 Acta Apostolicae Sedis - Commentarium Officiale

habitus est. Patres Cardinales et Episcopi Ordinaria in Sessio ne die 17

mensis Martii anno 2015 se congregaverunt, me Angelo Cardinale Amato

praesidente, et Servum Dei virtutes theologales, cardinales et adnexas he-

roicum in modum exercuisse agnoverunt.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine, iisque adnexis, in gradu heroico, Servi Dei Fran-

cisci Gattola, Sacerdotis Dioecesani et Fundatoris Congregationis Sororum

Filiarum SS.mae Virginis Immaculatae Lapurdensis, in casu et ad effectum

de quo agitur.

Hoc autem decretum publici iuris fieri et in acta Congre gationis de

Causis Sanctorum Summus Pontifex referri mandavit.

Datum Romae, die 18 mensis Martii a.D. 2015.

anGeluS Card. amato, S.d.B. Praefectus

L. G S.

G marCelluS BartoluCCi Archiep. tit. Mevaniensis, a Secretis