105.

De Epiphania Domini.

1. Jesus refulsit omnium
Pius redemptor gentium,
Totum genus fidelium
Laudes celebrat dramatum.

2. Quem stella natum fulgida
Monstrans micat In aethera
Magosque duxit praevia
Illius ad cunabula.

3. Illi cadentes parvulum
Pannis adorant obsitum,
Verum fatentur et Deum
Munus ferendo mysticum.

4. Denis ter annorum cyclis
Jam parte vivens corporis
Lympham petit baptismatis
Cunctis carens contagiis.

5. Felix Johannes mergere
Illum tremiscit flumine,
Potest suo qui sanguine
Peccata cosmi tergere.

6. Vox ergo prolem de polis
Testatur excelsi patris,
Virtus adestque pneumatis,
Sancti datrix charismatis.

7. Nos, Christe, supplici prece
Precamur, omnes protege,
Qui praecipis rubescere
Potenter hydrias aquae.

8. Praesta benignum sedulo
Solamen adjutorio
Raptosque nos a tartaro
Eegnare fac tecum polo.

9. Laus trinitati debita,
Honor, potestas, gloria
Perenniter sit omnia
Per saeculorum saecula.