Acta Congregationum 313

TAURINENSIS

Beatificationis et Canonizationis Servae Dei Mariae Ursulae Bussone Christifidelis

Laicae ex Opera Mariae seu vulgo "Movimento dei Focolari" (1954-1970)

DECRETUM SUPER VIRTUTIBUS

« Confidite, ego vici mundum » ( Io 16, 33).

Qui circa eum erant, discipulis illis in novissima Cena tradidit Iesus

summum praeceptum atque ultimum, sese praebens uti qui perfecit quod

Apostolis ipsis deinde prosequendum. Mandatum hoc, a Serva Dei Maria

Ursula Bussone sumpto, in eiusdem vita summopere translucet.

Serva Dei in vico Vallo Taurinorum intra fines Archidioecesis Taurinensis

die 2 mensis Octobris anno 1954 orta est et postero die 10 eiusdem mensis

in ecclesia paroeciali loci Deo in honorem Sancti Secundi Martyris dicata

ad regenerationis fontem ducta.

Familia eius, tribus post annis, fratris Georgii adventu ditata est, cui

Serva Dei intimo spirituali nexu totam vitam fuit adiuncta. Lar ille tem-

peratae christianae conversationi innisus, praeter actus devotionis, amore

honestateque ac labore admodum suffultus est et prima Servae Dei palaestra

fuit vitae christianae. Dein, Valli Taurinorum sive puerilem sive elementarem

institutionem accepit eodemque tempore, septem annos nata, Prima Com-

munione et, duodecimum agens aetatis annum, sacramento Confirmationis

honestata est. Schola mediae institutionis tandem in vico Lantio Taurinorum

frequentata, lycaeum publicum iuventuti scientiarum disciplinis instituendae

in vico vulgo dicto Ciriè ingressa est, quo tempore Servae Dei mores oboe-

dientiae reverentiaeque obligationisque et officii spiritus semper informavit.

His mediae institutionis scholarum annis, casus duo peculiares iter eius

spirituale insigniverunt: secessus primum scilicet ille cum sermocinatione

de gloria Dei mense Aprilis anno 1966 habitus, cuius praeco parochus fuit,

qui Servam Dei adeo funditus hoc nuntio delectavit, ut eidem caput cons-

tans vitae fieret sic expressum: « Omnia ad gloriam Dei praebendam »; et

participatio dein cum familia aliisque quadraginta et quattuor incolis Valli

Taurinorum et Varisellae primi Congressus, Arce Papali prope Urbem men-

se Iunii anno 1967 habiti, Motus Paroeciarum illius, qui ex Opera Mariae

manaverat.