107.
De nativitate Domini.

1. A patre unigenitus

Ad nos venit per virginem,
Baptisma cruce consecrans,
Cunctos fideles generans.

2. De coelo celsus prodiens
Excepit formam hominis,
Facturam morte redimens,
Gaudia vita rediens.

3. Hoc te, redemptor, quaesumus
Inlabere propitius
Clarumque nostris cordibus
Lumen praebe fidelibus.

4. Mane nobiscum, Domine,
Obscuram noctem removens,
Omne delictum ablue,
Piam medelam tribue.

5. Quem jam venisse novimus,
Redire Item credimus,
Sceptrum tuumque Inclitum,
Tuum defende clipeum.

6. Gloria tibi, domine,
Qui natus es de virgine,
Cum patre et almo spiritu
Per sempiterna saecula.