110.

De nativitate Domini.

1. Sol, astra, terra, aequora

Adventum Dei altissimi,

Prolem excelsi germinis

Dives et Inops concrepent.

2. Olim promissum vatibus

Partum puellae Inclitum,

Natum ante luciferum,

Dei potentis filium.

3. Venturum regem gloriae,

Deum regnare regibus,

Hostem calcare Improbum,

Mundum sanare languidum.

4. Laetentur simul angeli,

Omnes exsultent populi,

Excelsus venit humilis,

Salvare quod perierat.

5. Deus et homo oritur

Sanctaque regnat trinitas,

Quo ejus patri filius

Terris descendit dominus.

6. Clament prophetae et prophetent:

Emmanuel jam prope est,

Mutorum linguae jam sonent,

Claudi In occursum pergite.

7. Agnus et fera bestia

Simul manducent paleas,

Agnoscat bos et asinus

Jacentem In praesepio.

8. Signum regale emicans

Sacrum praecedit verticem,

Regali nato nobili,

Eeges, parate munera.

9. O quam beatum nuntium

Virgo Maria audivit,

Credendo mater exstitit

Et virgo virum nescivit.

10. Omnes gentes et iusulae

Magnum triumphum plaudite,

Curtes cervorum curate,

Redemptor ecce jam venit.

11. Discant caecorum oculi

Claudum sedentem lineis

Noctis tenebras solvere,

Lumen verum percipere.

12. Gens Galilaea et Creta

Credat, Persa et India,

Dignando Deus homo fit,

Et verbum cum patre manet.

Laus honor, virtus.

III.

De S. Johanne evangelista.

1. Iste electus Johannes

diligendi promptior,

Advocatus In perenne

veritatis gratiam

Illo mercedem assumens,

quidquid ambit, obtinet.

2. Insula Pathmos teneri

imperante promitur,

Conspicit Illic refulsa

coelitus mysteria

Et profunda, quae notavit

mente, narrat ardua.

3. Accipit Dei parentem

in suis praecordiis,

Ut minister veritatis

administret virgini,

Quae deum enixa sola

virgo semper adstitit.

4. Iste supra pectus Illud

sempiterni luminis

Corporis usu reclinis

hauriebat Intima

Spiritus, quae Indicabat

veritatis gutture.

5. Ad crucem tractus redemptor

esse matris filium

Dicit Istum, rursus Ipsam

esse matrem praecipit,

Carne unus, spiritu alter

ut manerent filii.

6. Ultimae praenotus horae

scindere tunc praecipit

Terream fossam ministris,

quam reclivis Inruit,

Mortis et vicem quievit

omni vivens saeculo.

7. Te rogamus, te precamur,

sancte Christi apostole,

Tolle pestem, aufer ulcus

et foveto languidos,

Pelle morbum, caede hostem

et remove scandalum.

8. Non aduret terram Ignis,

aerem non sauciet,

Non refundat ultionis,

triste(m) coelum turbines,

Non reclinet In ruinam

orbem Ira funditus.

9. Decidat delictum omne,

subsequatur gratia,

Auferatur culpa tota,

sit salutis copia,

Sint remotae cunctae fraudes,

augeatur charitas.

Gloria sit Deo patri.