114.

Ad Tertiam.

1. Jam ter quaternis trahitur

Horis dies ad vesperum,

Occasu sol praenuntiat

Noctis redire tempora.

2. In actu quadragesimae

Tu sis redemptor, domine,

Guberna tuos famulos,

Quos redemisti sanguine.

2. Da, ut nostra jejunia

Sint tibi grata jugiter,

Repelle somnolentiam,

Ne pigritantes obruat.

4. Tu es In cruce positus

De manu hostis callidi,

Serpentis atrocissimi

Atque draconis pessimi.

5. Nos ergo signo domini

Tutemus claustra pectoris,

Ne serpens Ille callidus

Intrandi temptet aditum.

6. Sed armis pudicitiae

Mens fulta vigil liberae

Sobrietate comite

Hostem repellat Improbum.

7. Sed nec ciborum crapula

Tandem distendat corpora,

Ne VI per somnum animam

Ludificatam polluat.

8. Praesta, beata trinitas,

Concede simplex unitas,

Ut fructuosa sint tuis

Jejuniorum munera.