Acta Congregationum 321

XETAFENSIS seu TOLETANA

Beatificationis et Canonizationis Servae Dei Ioannae a Cruce (in saeculo: Ioannae Vázquez Gutiérrez) Monialis professae Tertii Ordinis Sancti Francisci, Abbatis- sae Conventus Sanctae Mariae a Cruce in loco v.d. "Cubas" Matriti (1481-1534)

DECRETUM SUPER VIRTUTIBUS

« Os suum aperuit sapientiae, et lex clementiae in lingua eius » ( Pr 31, 26).

Laudes, virtuosa de muliere a Sacra Scriptura habitae, Servae Dei Ioan-

nae a Cruce, Tertii Ordinis Franciscalis monialis professae, quae in Verbi

Divini schola vitae spiritalis magistra, Evangelii praeco, conversionis nuntia

evasit, tribui egregie possunt. Spiritus Domini illam, ut consorores suae

curae commissas institueret, regeret et sublevaret nencon fideles ad ipsam

concurrentes, charismatibus exornavit. Sermo sapientiae, una cum singu-

laribus sanationum ac miraculorum, prophetiae ac discretionis spirituum

donis, in ea sane refulsit.

Serva Dei in parvo loco vulgo Azaña (hodie nuncupato Numancia de

la Sagra, intra Toletanae provinciae fines) die 3 mensis Maii anno 1481

ex Ioanne Vázquez et Catharina Gutiérrez, opibus bene ditatis coniugibus,

est nata. Complures fratres sororesque habuit. Infantula interitura ter fuit,

sed, Matre Dei intercedente, sanitatem impetravit. Nec illius mater nec

pater votum se conferendi peregrinantes ad sanctuarium Sanctae Mariae

a Cruce, in pago Cubas de la Sagra, ut gratias ob valetudinem filiae suae

restitutam agerent, persolvere quiverunt. Qua re Ioanna esse Dei pro voto

intime sibi persuasa crevit. Anno 1488, matre mortua, est patruis tradita

posteaque, sextum decimum annum agens, viro nobili genere desponsata.

Caelestis attamen Sponsi vocem sequi maluit et in beaterium oppidi Cubas

de la Sagra, prope Toletum, confugit. In hac communitate religiosa Famula

Dei, victa familiarium, qui eandem reducere domum volebant, repugnantia,

die 3 mensis Maii anno 1497 professionem emisit sibi Ioannam a Cruce

sumens nomen.

Pietas eximia gratiaeque dona fuerunt spiritalia illius instrumenta. Vera

Sancti Francisci Assisiensis discipula, Serva Dei viam germanioris eius spi-

ritus vivendi est ingressa. Seraphici Patriarchae exemplo sese in Dei Summi

Boni experientiam immersit atque ipsius tum pulchritudinem in creaturis ag-

novit tum clementem paternitatem, quam per Christi humanitatem petebat,