322 Acta Apostolicae Sedis - Commentarium Officiale

nimirum gustavit. Spiritu orationis et contemplationis mersata, anno 1506

ad matrimonii spiritualis unionem est evecta. Anno 1508 passionis stigmata

in corpore suo accepit. Etiamsi mysticis elevationibus ac raptis dignaretur,

simplicitatem et modestiam semper servavit. Pari tempore veluti coqua,

ianitrix, sacristana aegrotantiumque ministra sororibus, heroica caritatis

testimonia praebens, in paupertate ac laetitia deserviebat. In Serva Dei sin-

gularis amor Sacrae Scripturae huiusque peculiaris cognitio, praedicationis

ministerio ab eadem expressa, praesertim enituerunt. Tali officio tantum ad

fidem populi firmandam et omnes sanctitatis monendos fungebatur.

Abbatissa die 3 mensis Maii anno 1509 electa, Ioanna a Cruce modera-

tricem sapientem, fortem ac rigorosae Regulae observantiae diligentem se

ostendit. Angelae Fulginatensis, Hildegardae Bingensis, Catharinae Senen-

sis, illustrium mysticarum, scriptis formata, impetrare potuit, reformationis

a Cardinali Francisco Cisneros promotae tempore, ut communitas sua vota

sollemnia nuncuparet et clausuram veri instar monasterii observaret. Serva

Dei consorores adiuvare, ut Franciscalis viriditatem charismatis secundum

peculiares vitae fraternae ac genuinae paupertatis formas rursus reperi-

rent, in animo habuit. Propter extraordinarias illius gratias comprobatas

parochi oppidi Cubas nominandi beneficium eidem, quae apud populum

maiorem auctoritatem ita acquisivit, est datum. Cuiuscumque condicionis

socialis Christifideles, rege ipso non excepto, ad "insignem magistram Fran-

ciscanam", ut consilium peterent monialiumque precationibus consolationem

reciperent, accurrebant. Erga omnes sollicita, Ioanna a Cruce mystico dis-

cretionis spirituum dono in aedificanda Ecclesia, quae evangelicae rationi

magis magisque consentanea efficeretur, studium praestitit.

Anno 1527 atroces calumniae, ab invida consorore sparsae, Servae Dei,

quae monasterii regimine est iniuste spoliata, humilitatem, patientiam ac

prudentiam probaverunt. Ioanna detractrici, veritate restituta, toto pectore

ignovit. Anno 1528 abbatissa est iterum creata, sed mox incidit in morbum

qui eam corripuit usque ad mortem. Qui obitus, sicut Serva Dei ipsa prae-

dixerat, die 3 mensis Maii anno 1537 evenit.

Ob diffusam sanctitatis famam est intra conventualis chori saepta, dis-

tincto loco, conditum illius corpus, quod incorruptum diu mansit. Populus

ad sepulcrum accurrens eam ut "sanctam" sua sponte invocabat. Talis pere-

grinatio in saecula usque ad hunc diem permansit. Processus Informativus

est Toleti peractus annis 1614-1616; deinde ab anno 1619 ad annum 1621