324 Acta Apostolicae Sedis - Commentarium Officiale

GRANATENSIS

Beatificationis et Canonizationis Servae Dei Raphaëlae Mariae a Iesu Hostia (in saeculo: Raphaëlae Martínez-Cañavate Ballesteros) Monialis Professae Ordinis Capuccinarum S. Clarae (1915-1991)

DECRETUM SUPER VIRTUTIBUS

« Deus, Deus meus es tu, ad te de luce vigilo » ( Ps 63, 2).

Fulgens figura Servae Dei Raphaëlae Mariae a Iesu Hostia (in saec.:

Raphaëla Martínez-Cañavate Ballesteros) ac congruens Christi imitatio per

psalmicam precationem perlucide patent: ipsamet enim inde a vitae pri-

mordiis Domini vultum quaesivit, quem humiliter ac fideliter proprio notum

reddidit testimonio.

Serva Dei in vico Maracena, prope Granatam urbem, die 31 mensis Mar-

tii anno 1915 ortum habuit. Christiana fide a familia opibus satis praedita

erudita est; apud Collegium Sororum Cordis Iesu institutionem perrexit.

Inde ab incunabulis obsequentem, apertam, benevolam indolem perspicue

erga omnes se ostendit. Operibus vitae paroecialis libenter vacabat, pecu-

liarem adhibens curam de catechesi tradenda ac de pauperibus sublevandis.

Iuvenili adhuc aetate consilium cepit religiosam vitam amplectendi, attamen

haud parum dolere debuit ob hanc suam optionem, maxime quod vitae tam

familiaris quam paroecialis consuetudinem relinquere cogebatur. His non

obstantibus rationibus, die 15 mensis Maii anno 1941 monasterium ingressa

est Sororum Capuccinarum in pago Chauchina situm. Sequenti anno vota

temporaria nuncupavit et anno 1945 perpetuam emisit professionem.

Vita intra monasterii muros valde vivida effecta est ob praesentiam

Servae Dei; benignitas eius, ad rudiora opera proclivitas necnon deditio

tempore quoque aegritudinis in spiritualem et psychologicam communitatis

auram profuderunt. Florens licet aetate, electa est Magistra Novitiarum,

quod signum exstitit eius congruentis assensus charismati et regulae capuc-

cinae. Hoc in exsequendo munere dotibus paedagogicis eminuit, virtutibus

communitariae consuetudinis, spiritu discretionis, patientia in educatione;

ac caritate potissimum excelluit erga omnes. Anno 1960 Abbatissa Monas-

terii electa est.

Eius vestigia, vivida iam in communitate, ulterius altiora sunt reddita:

Navitas eius tam firmitudinis quam suavitatis virtutibus signata est. Pri-