120.

De Sancto Sacerdote hymnus.

1. Benigna nobis hodie

Christi refulget gratia,

Solisque festa clarior

Laetificat nos jubare.

2. Die sub Isto praesulis

Sacerdotis nam spiritus

Tetendit astra cuneis

Et mixtus est angelicis.

3. Hic Intra hujus noxia

Saecli locatus gaudia

Dei valeret transgredi

Cum jussa, nempe noluit.

4. Sed mitis atque sobrius

Ejus sequens vertigia

Fuit et miris sedule

Resplenduit prodigiis.

5. Ob hoc supernae praemio

Est muneratus patriae

Gestatque summo lauream

Suo cruento vertice.

6. Nos, qui meremur denique

Ejus frui praesentia,

Fruamur una gaudio

Sollemnitatis Indice.

7. Te deprecamur supplices,

O sancte Christi pontifex.

Tui precatus veniam

Nobismet affer coelitus.

8. Sit trinitati simplici

Et unitati triplici

Honor, potestas, gloria

Per Infinita saecula.