Acta Congregationum 327

HISPALENSIS

Canonizationis Beatae Mariae ab Immaculata Conceptione (in saeculo: Mariae Isabellae Salvat Romero) Antistitae Generalis Congregationis Sororum Societatis a Cruce (1926-1998)

DECRETUM SUPER MIRACULO

Beata Maria ab Immaculata Conceptione (in saeculo: Maria Isabella

Salvat Romero) die 20 mensis Februarii anno 1926 Matriti e familia opibus

praedita ac ferventi christiana fide nata est. Postquam ad vitam consecratam

vocationem persensit, propter amorem in pauperes ingredi statuit Congrega-

tionem Sororum Societatis a Cruce, cuius est infirmis et egentioribus familiis

subvenire. Post emissam professionem, aliquot scholarum regimen assump-

sit; deinde Hispalim missa est in Primariam Domum, prius uti Adiutrix in

Novitiatu, postea uti novitiarum Magistra. Et currente tempore nominata

est Moderatrix, Antistita Provincialis, Consiliaria Generalis, ac tandem An-

tistita Generalis Congregationis. Beata, quamvis pluribus officiis distenta,

vitam iugiter gessit intensae spiritualitati deditam, quin pauperibus servi-

tium praestare destiterit. Verbo et potius exemplo ad originalem indolem

Fundatricis Sanctae Angelae a Cruce servandam viribus non pepercit. Hoc

intuitu ducta, peculiarem adhibuit curam tam in consororibus instituendis

quam in novis vocationibus alendis. Anno 1994 ex quadam medica recog-

nitione detectum est tumorem pati, quapropter chirurgicam subire debuit

sectionem. Hanc acerbi morbi experientiam forti animo ac mira oboedientia

erga Divinam voluntatem obivit. Hispali die 31 mensis Octobris anno 1998

pie in Domino obdormivit. Summus Pontifex Benedictus XVI die 18 mensis

Septembris anno 2010 in album beatorum eam rettulit.

Canonizationi prospiciens, Postulatio Causae iudicio huius Congregatio-

nis de Causis Sanctorum coniectam subiecit sanationem, prope Hispalim

anno 2012 patratam. Etenim vir quidam, quadraginta et tres aetatis annos

natus, inopinanter in terram cecidit animo deficiens, cui statim praestitum

est auxilium, donec adessent medici ut de norma ad redanimationem illum

ducerent. Exceptus est deinde in quoddam Hispalense valetudinarium, ubi

hypothermia therapeutica imposita est illi et medicamenta sunt ministrata.

Vir patiens, qui iam quibusdam valetudinis incommodis vexabatur, in melius