121.

Petri et Pauli.

1. Pastor bonus, fons gratiae,
Gratis magna pastoribus,
Tuique plenitudine
Sumant et hii cum ovibus.

2. Pascantque nos summi duces
Amoris ut signo jubes,
Quos praestat haec dignatio,
Quod nos emisti pretio.

3. Tu quaeris ovem, quae perit,
Gaudensque fers in humeris,
Nos quaerat horam pietas
Oves licet erroneas.

4. Agnoscat alter creditas
Alterque verbo genitas,
Uterque per clementiam
Nos solvet apostolicam.

5. Tu, Petre. cujus pietas
Vult poenitere vel magum,
Qui solvis orbem aut ligas,
Nos solve vinclis criminum

6. Tu, Paule, gentes Integras
Qui parturis et reparas,
Fac nos renasci venia,
Quamvis aborsos crimine.

7. Dives misericordiae
Per quos Deus Innotuit,
Per vos et ejus copia
Nostris fluat miseriis.

8. Per vos peregrinantibus
Tutum sit Iter et salus,
Salvos simul quos ducite
Cunctos solutos crimine.

9. Deo patri sit gloria.