328 Acta Apostolicae Sedis - Commentarium Officiale

non mutavit, immo condiciones eius celeriter sunt gravatae, qua de causa

in veternum incidit, grave patiens detrimentum cerebrale. His in adiunctis,

cum infirmus morti proximus videretur, Soror quaedam, quae ex eadem Con-

gregatione Beatae hanc viventem cognoverat, ad orandum amicam matris

viri patientis hortata est ut, Beata intercedente, sanatio obtineretur. His

supplicationibus accesserunt ipsa Soror, alia Consoror, mater viri infirmi et

amici, orationis vinculum constituendo. Die 5 mensis Octobris anno 2012,

id est post duodecimum diem quo in valetudinarium exceptus fuerat, infir-

mus a statu veternoso se expergefecit, adstantes recognovit et subitaneam

faventemque evolutionem neurologicam ostendit, omnes resumens vitales

functiones. Prae repentina rerum mutatione omnes mirati sunt. Evidens

quidem temporis congruentia exstitit et nexus quoque inter supplicationes

ad Beatam et patientis sanationem.

De sanatione, quae mira est iudicata, apud: Curiam Hispalensem, anno

2013 a die 24 mensis Iunii ad diem 14 mensis Octobris dioecesana instructa

est Inquisitio, cuius iuridica auctoritas ab hac Congregatione approbata est

per decretum datum die 13 mensis Decembris anno 2013. Die 6 mensis No-

vembris anno 2014 Consilium Medicorum Dicasterii sanationem ex legibus

scientiae inexplicabilem fuisse edixit. Die 20 mensis Ianuarii anno 2015

Peculiaris Congressus habitus est Consultorum Theologorum Congregationis

qui faventem tulerunt sententiam. Die 14 mensis Aprilis anno 2015 locum

habuit Ordinaria Purpuratorum Patrum et Episcoporum Sessio, cui egomet,

Angelus Card. Amato praefui. Et in utroque Coetu, sive Consultorum sive

Cardinalium et Episco porum, posito dubio an de miraculo divinitus patrato

constaret responsum affirmativum prolatum est.

Facta demum de hisce omnibus rebus Summo Pontifici Francisco per

subscriptum Archiepiscopum Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodier-

no die declaravit: Constare de miraculo a Deo patrato per intercessionem

Beatae Mariae ab Immaculata Conceptione (in saec.: Mariae Isabellae Salvat

Romero), Antistitae Generalis Congregationis Sororum Societatis a Cruce,

videlicet de celeri, perfecta ac constanti sanatione cuiusdam viri a "coma

grave prolungato post-anossico, con un GCS di 3 punti, causato da arresto

cardiaco di lunga durata in paziente por tatore di miocardiopatia dilatativa

tossica, sindrome metabolica".