128.

De Antichristo.

1. Quique cupitis audire

ex meo ore carmina,

De summo deo nunc audite

gloriosa famina

Et de adventu antichristi

in extremo tempore.

2. Antichristus est venturus

permittente Domino,

In Babilonia nascetur

conceptus de diabolo,

De tribu Dan erit ortus

ex Haebraeorum populo.

3. Triginta annos tunc latebit

incognitus a populo,

Duos annos tunc regnabit

et uno et dimidio,

Foras potestas ei datur

in praesenti saeculo.

4. Modo cuncta auscultate

praecepta apostolica,

Nemo ex vobis jam seducat

per suam epistolam,

Per sermonem nec per signa

nec per vanam gloriam.

5. Henoch jamque missus Dei

cum Elia pariter

In Illo tempore tunc veniet

mortem suscipere,

Antichristus hos occidet

permittente Domino.

6. Tribus diebus tunc jacebunt

eorum sancta corpora,

Die tertia resurgent

domini Imperio,

Sicque gentes praedicabunt,

ne credant diabolo.

7. Et In coelum sic ascendent

reclamante domino,

Ut eorum fusus sanguis

divina fiat ultio

Et vindicta facta erit

de maligno spiritu.

8. Jesus Christus, Deus noster,

qui redemit sacculum,

Ipse mitet ex ore suo

gladium fortissimum,

Ipse occidet antichristum,

perditionis filium.

9. Tunc reddetur pax in terra

quadraginta diehus,

Tunc erit dominus venturus,

vident omnes oculi,

Tunc omnis gens, tribus, lin-

gua

venit ad judicium.

10. Tunc apparebit crux in coelo,

signum admirabile,

Judaea nequam et pagana

et haeresia dogmata

Absque dubio peribunt

qui crucem et fidem ri-

dent.

11. Virtutes coeli [terraeque]

movebuntur pariter,

Cum Deus tunc judicabit

unumquemque secundum me-

rita,

Soli justi salvabuntur

propter sua opera.

12. Civitas siquidem illa

valde est mirabilis,

Portas habet quater ternas,

fundamenta totidem,

Non lumen solis nec lunae

nec de ullo sidere,

Sed claritas summi Dei

semper hanc illuminat.

13. Jerusalem, civitas Dei

et paradisi claritas,

Ubi regnat Christus Deus

cum sanctorum animis,

Sine fine tunc regnabunt

in aeterna,requie.

14. Homicidae et criminosi

intus non recipiunt,

Sed chaos magnum inter eos

in atrocis tenebris

Omni hora vae, vae clamant

et mittunt voces lugubres.

15. Nec patescant firma corda

quae, cum haec audierit,

Sed virtutes imitentur,

quae in coelis coronant,

Ut evadant poenas diras

et amplectent supera.

16. Nam de poena reproborum

Quos mors secunda gustaverit,

non erit ultra requies,

Cum Sathan semper ardebunt

in stagno ignis et sulphuris.

17. Omnipotentem deprecemur

cuncti devotissime,

Ut a poena infernali

dignetur nos eripere

Et ad gaudia superna

sinat introducere.

18. Gloriam Christo canamus,

gloriam paraclito,

Una patri filioque

simul Individuo,

Cujus honor et potestas

regnat ante tempora.