133.

De portis supernae Jerusalem.

1. Cives coelestis patriae,

Eegi regum concinite,

Qui est supremus opifex

Civitatis uranicae

In cujus aedificio

Talis exstat fundatio.

2. Jaspis colore viridis

Praefert virorem fidei.

Quae In perf?ctis omnibus

Xunquam marcescit penitus,

Cujus forti praesidio

Resistitur diabolo.

3. Saphirus habet speciem

Coelestis throni similem,

Designat cor simplicium,

Spe certa praestolantium,

Quorum vita et moribus

Delectatur altissimus.

i. Chalcedonius pallentem

Ignis tenet effigiem.

Subrutilat In publico.

Fulgorem dat In nubilo,

Virtutem fert fidelium

Occulte famulantium.

5. Smaragdus virens nimium

Dat lumen oleaginum,

Est fides Integerrima

Ad omne bonum patula,

Qoae nunquam scit deficere

A pietatis opere.

6. Sardonyx constans tricolor

Homo fertur Interior.

Quem denigrat humilitas,

In quo albescit castitas,

Ad honestatis cumulum

Rubet quoque martyrium.

7. Sardius est puniceus,

Cujus color sanguineus

Decus ostentat martyrum

Rite agonizantium,

Sextus est In catalogo,

Crucis habet mysterium.

8. Auricolor Chrysolithus

Scintillat velut clibanus,

Praetendit mores hominum

Perfecte sapientium.

Qui septiformis gratiae

Sacro splendescunt jubare.

9. Beryllus est lymphaticus

Ut sol In aqua limpidus.

Figurat votum mentium

Ingenio sagaciora,

Quis magis libet mysticum

Summae quietis otium.

10. Topazius quo rarior

Eo est pretiosior.

Nitore rubet chryseo

Et aspectu aethereo.

Contemplativae solidum

Vitae nostrae officium.

11. Chrysoprass purpureum

Imitatur concilium,

Est intertinctus dureis

Quodam muscillo jaculis

Hoc est perfecta caritas,

Quam nulla sternit feritas.

12. Jacinthus est caeruleus

Virore medioximus,

Cujus decora facies

Mutatur ut temperies,

Vitam signat angelicam

Discretione praeditam.

13. Ametystus praecipuus,

Decore violaceus,

Flammas emittit aureas

Nitelasque purpureas,

Praetendit cor humilium

Christo commorientium.

14. Hi pretiosi lapides

Carnales signant homines,

Colorum est varietas

Virtutum multiplicitas,

Quicunque his floruerit,

Concivis esse poterit.

15. Jerusalem pacifera,

Haec tibi sunt fundamina,

Felix et Deo proxima,

Quae te meretur, anima,

Custos tuarum turrium

Non dormit In perpetuum.

16. Concede nobis, hagie

Rex civitatis coelicae,

Post cursum vitae labilis

Consortium cum superis,

Inter tuos In aethera

Nova cantemus musica.