96 Acta Apostolicae Sedis - Commentarium Officiale

servitia gerebat. Ipsemet peregrinus factus est, Compostellam, in Hispania,

quater petiit. Eius caritatis lumen apud concives eluxit, qui eum putabant

sanctum, quippe qui omnia bona tradidisset indigentiores ut iuvaret. Ex sacra

Eucharistia vim hauriebat ut Christo proximus esset in pauperibus aegrisque

praesenti atque, ad Franciscalem spiritalem Tertii Ordinis modum Virginem

Mariam colebat. Quapropter suis manibus intra valetudinarium sacellum Dei- parae dicatum exstruxit. Antequam moreretur, per documentum diei X mensis

Ianuarii anno MCCXCII, omnia sua bona tradidit, etiam valetudinarium quod

ipse condiderat ut peregrinos reciperet, loca sacra, Ariminese monasterium

Benedictinum sancti Iuliani petentes. Suo ab obitu, qui circiter anno MCCXCII

evenit, a populo ut sanctus est veneratus atque eius intercessio saeculorum decursu est petita. Mense quidem Iulio anno MDCCLXVIII, Summus Pontifex Clemens XIII plenariam indulgentiam et peccatorum remissionem ecclesiam visitantibus vel oratorium beati Amati valetudinarium appellatum concessit. Populi continuata devotio compulit Municipium ut anno MDCCLXXIII cultus ab immemorabili agnitionem postularet, iuxta Breve Caelestis Hierusalem cives Summi Pontificis Urbani VIII, quod tunc temporis normas moderabatur publici cultus beatorum. Sic Processu Informativo finito qui anno MDCCLXXIV incohatus est, Summus Pontifex Pius VI anno MDCCLXXVI beati Amati Ron- coni cultum confirmavit. Ad ipsius canonizationem, dioecesana Inquisitio de vita virtutibusque Arimini habita est, quae celebrata est a die XII mensis Novembris anno MCMXCVII usque ad diem XXV mensis Maii anno MCMXCIX iure valida habita est a Congregatione de Causis Sanctorum per Decretum diei XVIII mensis Februarii anno MM. Post Positionem super virtutibus paratam, primum Consultores Historici in Congressione die XXVII mensis Aprilis anno MMX, post Consultores Theologi in Congressione peculiari die XXIII mensis Ianuarii anno MMXIII favens suffragium dederunt atque idem de virtutibus

heroum in modum exercitis iudicarunt Patres Cardinales et Episcopi in Ses- sione Ordinaria die XXIV mensis Septembris anno MMXIII coadunati. Nos Ipsi

facultatem fecimus ut Congregatio de Causis Sanctorum eiusdem Decretum

evulgaret die IX mensis Octobris eodem anno. Sanatio exinde exhibita est

miraculosa putata, quam Consultores medici Congregationis de Causis Sanc- torum, die V mensis Decembris anno MMXIII coadunati, ad scientiam inexplica- bilem putarunt. Consultores Theologi, in Congressione peculiari die IV mensis

Februarii anno MMXIV, intercessioni beati Amati Ronconi tribuerunt hanc

sanationem atque sic iudicarunt Patres Cardinales et Episcopi in Sessione

Ordinaria die XV mensis Aprilis anno MMXIV. Nos Ipsi eodem die facultatem