106 Acta Apostolicae Sedis - Commentarium Officiale

Patres Cardinales et Episcopi, in Sessione Ordinaria die III mensis Decembris

anno MMXIII, decreverunt mortem Venerabilium Servorum Dei verum fuisse

martyrium. Demum Nos Ipsi praecepimus ut Congregatio de Causis Sanctorum

Decretum de martyrio promulgaret, ac deinde statuimus ut sollemnis ritus

eorum beatificationis Aversae die XXIV mensis Maii anno MMXIV celebraretur.

Hodie igitur Aversae de mandato Nostro Venerabilis Frater Noster Angelus

S.R.E. Cardinalis Amato, S.D.B., Congregationis de Causis Sanctorum Praefec-

tus, textum Litterarum Apostolicarum legit, quibus Nos in Beatorum numerum

Venerabiles Servos Dei Marium Vergara et Isidorum Ngei Ko Lat adscribimus:

Nos, vota Fratrum Nostrorum Soteris Phamo, Episcopi Loikavensis, et

Angeli Spinillo, Episcopi, Aversani, necnon plurimorum aliorum Fratrum

in Episcopatu multorumque christifidelium explentes, de Congregationis de

Causis Sanctorum consulto, auctoritate Nostra Apostolica facultatem faci-

mus ut Venerabiles Servi Dei Marius Vergara, presbyter Pontificii Instituti

pro Missionibus Exteris, et Isidorus Ngei Ko Lat, catechista laicus, martyres,

Orientalibus in Terris Evangelii heroici praecones, qui Christi fratrumque

amorem suae vitae anteponere non dubitaverunt, Beatorum nomine in pos-

terum appellentur, eorumque festum die vicesima quinta mensis Maii, qua in

caelum orti sunt, in locis et modis iure statutis, quotannis celebrari possit.

In nomine Patris et Filii et Spiritus Sancti.

Clari hi martyres, in quibus Deus crucis mysterium mirabiliter illustra-

vit, ut, ex eorum sacrificio roborati, nos Christo fideliter haereremus et in

Ecclesia ad salutem omnium operaremur, sicuti fortes in eiusdem confes-

sione vixerunt, ita et fidei nostrae praebeant firma incrementa virtutum

et multiplici nos suffragio consolentur.

Quae autem decrevimus, nunc et in posterum rata et firma esse volumus,

contrariis quibuslibet rebus minime obstantibus.

Datum Romae, apud Sanctum Petrum, sub anulo Piscatoris, die XXIV

mensis Maii, anno Domini MMXIV, Pontificatus Nostri secundo.

De mandato Summi Pontificis

petruS card. parolin

Secretarius Status

Loco G Plumbi

In Secret. Status tab., n. 32.760