Congregatio de Causis Sanctorum 187

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram Beatae intercessioni tribu-

tam sanationem pueri sex annorum a tumore ductus thyroidis et glossidis,

quae in finibus Keralae in India occurrit. Nam, pupillus, qui cystim e gula

prominentem ostendebat permagnam, cibum difficiliter ore haurire poterat

et, tussis ictibus aspere laboratus, pravos anomolosque emittebat singultus

ac fluida tantum insumere valebat alimenta. Tuber e gutture proiectum,

quod, iuxta medici descriptionem, magni quasi citrei forinsecum pande-

bat aspectum, ad dupli magnitudinem quidem introrsum intumuerat. Die 7

mensis Octobris anno 2006, mater filiolum in valetudinario civitatis vulgo

Chalakudy comitata est, cuius medici severae gravitatem confirmaverunt

infirmitatis ac repentinam sectionem chrirugicam pro praecidendo tumore

disposuerunt.

Tantis in difficillimis adiunctis, avia pueri e diaria, quam legerat, ephe-

meride nuntium beatificationis Matris Euphrasiae didicerat instantis, quae

enim insequenti mense Decembris celebratura erat. Quapropter, filiam suam

persuasit ut ad divinum confugeret auxilium per novellae illius Beatae in-

tercessionem, a qua multi se mire iam esse sanatos dicebant et infirmu-

lum ipsum certum affirmabant sanaturum. Ambae ergo exorare ceperunt

et mater pueruli pollicita etiam est sese in civitatem Ollur, si valetudinem

filius resumpsisset, esse collaturam, ut ad Beatae Euphrasiae sepulcrum

gratas pro receptis gratiis effunderet precationes. Universa familia hanc

orationem excipiente, die circiter 15 mensis Decem bris, tumor, qui parvuli

tam corripuerat guttur, admodum visus est deminutus et immo quinque

post diebus omnino excessus. Die 1 mensis Ianuarii anno 2007, tota pupilli

familia civitatem Ollur demum adiit ad Matri Euphrasiae a Sacratissimo

Corde pronuntiatum satisfaciendum votum.

Continuatio temporis clarissime patuit, sicut et nexus inter invocatio-

nem Beatae et pueri sanationem, qui exinde optima gavisus est valetudine

normalesque vitae consuetudines gerit.

De hac mira habita sanatione apud Curiam Eparchialem Irinialaku-

densem a mense Maii anno 2008 ad mensem Augusti anno 2010 Inquisitio

dioecesana celebrata est, cuius auctoritas et vis iuridica a Congregatone de

Causis Sanctorum Decreto diei 25 mensis Maii anno 2011 probatae sunt.

Acta dein collecta examini et iudicio Dicasterii Medicorum Collegium su-

biecta sunt, quod in Sessione diei 4 mensis Iulii anno 2013 sanationem rapi-