190 Acta Apostolicae Sedis - Commentarium Officiale

est socius Magistri Noviciorum; eodem tempore implere potuit apostolatum Tertii Ordinis Sancti Francisci, necnon curam consumpsit, uberes colligens fructus, in innumeris missionibus habendis fideliumque confessionibus audiendis.

Siquidem Sedes Noviciatus translata erat in urbem Olleria, provinciae Va- lentiae, Servus Dei illuc se contulit ut officia impleret Vicarii Fraternitatis et Vicemagistri Noviciorum, quae officia postea, anno 1889, exercere perrexit in Masamagrell, quo Sedes Noviciatus rediit.

Mense Decembri anno 1891 missus est in Columbiam, partem suscipiens expeditionis missionariorum capuccinorum. Anno 1892 Rector nominatus est Seminarii Conciliaris Sanctae Marthae, quod munus per unius anni spatium exercuit. Sequentibus annis diversa assumpsit munera, ac praecipue vitam im- pendit in indigenis evangelizandis: etenim Superior exstitit Centri Missionalis in pago v. La Sierrita anno 1894; Superior et Parochus in urbe Barranquilla anno 1895; ac tandem Superior Centri Missionalis in loco v. Guamachal anno 1896; praeterea Episcopum Sanctae Marthae in canonicis visitationibus ad paroecias dioecesis comitari consueverat.

Anno 1898 in Hispaniam reversus, implevit officia Consiliarii novae Provinciae Capuccinae Valentiae, Magistri Noviciorum et Vicarii conventus urbis Masamagrell. Anno 1891 ad Missionem Goagirae in Columbia iterum est destinatus, ubi munus exercuit Custodis, Rectoris Seminarii dioecesani et Superioris Seminarii; notatu insuper digna est eius actuositas pastoralis sive in reconciliationis ministerio sive in spirituum moderamine sive in Ordinis Franciscani Saecularis promotione. Post mortem Episcopi Sanctae Marthae, quae die 10 mensis Decembris anno 1902 evenit, Archiepiscopus Carthaginensis in Columbia Servum Dei destinare statuit Vicarium Pro-Capitularem, qui hac periodo incubuit ad Missionem bene disponen- dam et ad statum cleri saecularis per frequentes visitationes melius reddendum.

Attento prestanti eius opere his annis expleto, anno 1904 die 30 mensis Iulii electus est episcopus Sanctae Marthae, et in urbe Barranquilla conse- cratus die 30 sequentis mensis Octobris, ac denique die 6 mensis Novembris eiusdem anni possessionem cepit dioecesanae sedis. Anno 1905 Romam iter suscepit ob visitationem ad limina. Fores Seminarii, quae ab anno 1902 ex iussu Sanctae Sedis clausae permanserant, Dei Servus anno 1906 iterum ape- ruit, qui praesertim talem meruit exitum ob intensam actuositatem quam posuerat ad clerum reformandum. Anno 1908 Bogotae factus est particeps primae Conferentiae Nationalis Episcoporum Columbiae.

Dum octo iam elapsos annos in ministerio episcopali insumeret ac duos et sexaginta aetatis annos esset, morbo corripi coeptus est; qua de re die 10 mensis Septembris anno 1912 in Hispaniam rediit, praevia hortatione Ministri